“Garaşsyz, baky Bitarap Türkmenistan – bedew batly ar-myradyň mekany” ýylynyň sentýabr aýynda "Ýol hereketiniň howpsuzlygy - ömrümiziň rahatlygy” atly biraýlygyň çäklerinde Aşgabat, Arkadag  şäherlerinde we welaýatlarda ýerleşýän orta we ýokary okuw mekdepleriniň okuwçylarynyň hem-de talyp ýaşlarynyň arasynda döwletimiziň alyp barýan içeri we daşary syýasatynyň mazmunyny, Türkmenistanyň Konstitusiýany, ýurdumyzyň kanunlary we hukuk namalaryny, ýangyn howpsuzlygy kadalaryny berjaý etmegiň ähmiýetini, ýol-ulag hadysalarynyň we kanun bozulmalarynyň öňüni almagyň zerurdygyny, ýaramaz endikleriň zyýanly täsirlerini, sagdyn durmuş we milli ahlak ýörelgelerini düşündirmek maksady bilen bilelikde geçiriljek wagyz-nesihat duşuşygy

  “Ýol hereketiniň howpsuzlygy - ömrümiziň rahatlygy” atly däp bolan biraýlygyň çäklerinde geçirilýän çäreleriň esasy maksady ýol-ulag hadysalarynyň öňüni almakdan, pyýadalaryň we awtoulag sürüjileriniň ýol hereketiniň düzgünlerini berk berjaý etmegini üpjün etmekden ybaratdyr. Içeri işler ministrliginiň wekilleri talyplara pyýada geçelgelerinden dogry peýdalanmak, çyralaryň duýduryşlaryna eýermek, ýol ýakalarynda we köçelerde seresap bolmak, şeýle hem jemgyýetçilik ulaglarynda özüňi alyp barmagyň medeniýetini berjaý etmek barada giňişleýin düşündiriş berip geçdiler.

Şeýle hem, duşuşykda talyp ýaşlaryň arasynda tertip-düzgüni berjaý edilişine gözegçiligi güýçlendirmek, hukuk bozulmalarynyň, tertipsizlikleriň öňüni almak we ýaşlary milli terbiýe, watançylyk zähmetsöýerlik ruhunda terbiýelemek barada möhüm öwüt-ündewler aýdyldy. Ýaşlaryň arasynda köpçülikleýin ýerlerde özüňi alyp barmagyň edep-kadalaryny pugtalandyrmak, sagdyn durmuş ýörelgelerine eýermek hem-de jemgyýetçilik tertibini saklamak barada gymmatly nesihatlar berildi.